InicioLugo e contornaLugoDetidas cinco persoas acusadas de roubos con forza en garaxes de Lugo

Detidas cinco persoas acusadas de roubos con forza en garaxes de Lugo

PUBLICADA O

- Advertisement -

A Policía Nacional detivo nos últimos días a cinco autores de roubos con forza no interior de garaxes situados na zona alta da Avenida da Coruña, na cidade de Lugo. Os feitos cometéronse en sete edificios que dan a dúas rúas e comparten garaxe da zona.

Segundo o relato policial, os presuntos autores actuaban como unha banda semiorganizada. En concreto, un dos implicados agardaba no vehículo no que se desprazaban e realizaba labores de vixilancia mentres os outros realizaban os roubos e danos nos turismos.

A Policía Nacional explicou que un total de oito vehículos se viron afectados e sinalou que o ‘modus operandi’ consistía en fracturar o portelo para acceder ao interior dos turismos que permanecían estacionados no garaxe comunitario.

Aínda que os obxectos subtraídos non tiñan un gran valor económico nin persoal, a Policía Nacional sinalou que se realizaron cargos nas tarxetas de crédito subtraídas por compras realizadas por vía telefónica.

Os arrestados, que prestaron declaración en dependencias xudiciais, quedaron en liberdade. Os feitos foron postos en coñecemento do Xulgado de Garda.

A Policía Nacional destacou que é a segunda operación no que vai de ano vinculada con roubos no interior de garaxes despois de que en febreiro fosen detidos varios menores de idade por feitos similares. Con todo, estes non teñen relación cos agora detidos.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...