InicioSociedadeCondenado a 3 anos de prisión un veciño de Lugo ao que...

Condenado a 3 anos de prisión un veciño de Lugo ao que lle interviñeron case medio quilo de cocaína

Estaría valorado no mercado ilícito en 88.000 euros.

PUBLICADA O

- Advertisement -

A sección segunda da Audiencia Provincial de Lugo condenou a 3 anos de cárcere a un acusado de tráfico de drogas, veciño da cidade amurallada, ao que lle interviñeron case medio quilo de cocaína. Segundo a sentenza, o tribunal considera probado que o acusado, natural da República Dominicana, foi detido en setembro de 2023 e os axentes incautáronse de case 100 gramos de cocaína que levaba encima. Ademais, no rexistro do seu vehículo, a Policía atopou outros 313 gramos desa droga, ocultos nunha caleta, e 9.500 euros.

No rexistro do seu domicilio atopáronse outros 18 gramos de cocaína e, no interior dun bote, 11 papelinas desta sustancia que, neste caso, estaban na habitación dun compatriota co que compartía piso. En total, no marco deste procedemento interviñéronse case 500 gramos de cocaína, valorada no mercado ilícito en 88.000 euros.

A Audiencia de Lugo, dado que o acusado recoñeceu ser o propietario da droga, acordou condenalo a 3 anos de cárcere e ao pago dunha multa de 90.000 euros. Con respecto ao seu compañeiro de piso (tamén acusado nese procedemento), o tribunal acordou absolvelo, ao non considerar probado que as papelinas de cocaína atopadas na súa habitación fosen da súa propiedade, xa que levaba pouco tempo aloxado na vivenda (o propio acusado asegurou que o bote coas papelinas xa estaba no dormitorio cando el se foi a vivir alí).

ÚLTIMAS

Candia, Barreiro, Balseiro e Serrano reclaman a chegada do AVE e dos Avril á provincia, “a única sen estes servizos”

A presidenta do PP de Lugo, Elena Candia, e os senadores populares José Manuel Barreiro,...

Enrique Rozas renuncia por “asuntos persoais e familiares” á súa acta de concelleiro no Concello de Lugo

O edil do PP no Concello de Lugo, Enrique Rozas, anunciou este luns en rolda de prensa...

O TSXG anula os servizos mínimos da Xunta para a folga de limpeza en Lugo de 2023

A sección primeira da Sala do Contencioso-Administrativo do Tribunal Superior de Xustiza de Galicia...

Interceptado un condutor borracho que fuxiu tras ter un accidente cun neno no asento dianteiro

Un condutor foi interceptado tras verse implicado nun accidente de circulación na confluencia da Avenida...