InicioA UlloaPalas de ReiAdega denuncia que a captación de auga para Altri provocará "problemas de...

Adega denuncia que a captación de auga para Altri provocará “problemas de abastecemento”

Adega alerta sobre fallos de cálculo na solicitude da compañía portuguesa, que pon "un 1%-2%" pero en realidade, segundo a asociación, pide unha captación dun 9,2% do encoro de Portodemouros.

PUBLICADA O

- Advertisement -

A Asociación para a Defensa Ecolóxica de Galiza (Adega) censura a solicitude de captación de augas no río Ulla presentada por Altri ante a Xunta para a factoría de fibras téxtiles que promove en Palas de Rei, porque podería xerar “problemas de abastecemento”.

Nun comunicado, Adega critica que a petición rexistrada en Augas de Galicia sexa para captar 46.000 metros cúbicos ao día, unha demanda que “condicionará os demais usos da auga” na conca “nun contexto de cambio climático que a empresa esqueceu considerar”.

Segundo esta asociación, Altri non dá “información sobre a magnitude, frecuencia ou estacionalidade” do caudal do Ulla, así como tampouco de canta auga consumirá “nos diferentes procesos da fábrica”, xa que “só achega aproximacións”.

De feito, Adega alerta sobre fallos de cálculo na solicitude da compañía portuguesa, que pon “un 1%-2%” pero en realidade, segundo a asociación, pide unha captación dun 9,2% do encoro de Portodemouros.

Este feito, unido a que a concesión “non se solicita no muro do encoro senón case no cabo de leste” e nunha zona “que adoita ter moitos problemas de descenso da cota” durante o verán, provocará “problemas de abastecemento” en determinadas épocas do ano.

Por outra banda, Adega acusa a Altri de “omitir” no proxecto de captación que as tubaxes van a “seccionar” a zona de especial protección (ZEC) Serra do Careón, á vez que advirte que “sepultaría” poboacións rexistradas de plantas en perigo de extinción.

Precisamente, o pasado fin de semana, a Plataforma Ulloa Viva fixo un chamamento á cidadanía a presentar alegacións a Augas de Galicia para que denegue a Altri a concesión para a captación de augas do encoro de Portodemouros.

ÚLTIMAS

Tomé, en reunións con Altri e Ulloa Viva: “Fibras téxtiles si, celulosa non”

O presidente da Deputación de Lugo, José Tomé (PSdeG-PSOE), mantivo este martes dúas reunións con...

Collidos mentres “puenteban” o contador eléctrico dunha vivenda

Axentes da Policía Local de Lugo identificaron a dúas persoas por manipular os cables de...

Reunión de Altri con empresas forestais de Lugo para presentarlles o proxecto de Palas de Rei

Representantes de Greenfiber, formada pola enerxética Greenalia e a multinacional lusa Altri, reuníronse coa...

Dúas persoas faleceron tras chocar a súa furgoneta cun camión de cereal en Begonte

Dúas persoas faleceron este martes en Begonte ao chocar a furgoneta na que viaxaban cun...