- Advertisement -
O conselleiro de Sanidade Julio García Comesaña avanzou en sede parlamentaria a posta en marcha no mes de xaneiro dos servizos do novo centro integral de saúde de Lugo.
A pregunta da deputada popular Elena Candia, a responsable da área sanitaria no Goberno autonómico dixo que o 18 de decembro arrincará o traslado das consultas de atención primaria, mentres que o cambio de fisioterapia, odontoloxía e saúde mental producirase no primeiro mes de 2023.
Doutra banda, apuntou para 2026 a finalización da reforma do centro de saúde do barrio da Milagrosa e instou ao Concello de Lugo a facilitar unha parcela para a construción do ambulatorio de Sacro Corazón.
