O Xulgado do contencioso-administrativo número 2 de Lugo acordou suspender a vista sinalada para este martes 28 de novembro contra a Casa da Muller, tras unha denunciada interposta pola irmá dunha muller asasinada pola súa parella na localidade de Becerreá en 2016. A Plataforma Feminista de Lugo apoiou no seu día a denuncia e confirmou que se suspendeu a vista prevista para este martes, acordándose un novo señalamento.
O adiamento débese, segundo indica, á baixa por enfermidade da traballadora social do centro. Lembra tamén que o procedemento se activou ante a denuncia de Martina Gómez Nieto, quen advertiu do suposto funcionamento “anómalo” do centro na atención prestada á súa irmá na mañá do 11 de febreiro de 2016. A muller foi asasinada o seu marido, alias ‘Chamaco’, ese mesmo día pola tarde en Herbón, en Becerreá.
