InicioA UlloaA Feira de Santos de Monterroso desafía o mal tempo da borrasca...

A Feira de Santos de Monterroso desafía o mal tempo da borrasca Ciarán

Besteiro, os conselleiros do Mar e de Medio Rural e deputados do BNG, entre os visitantes.

PUBLICADA O

- Advertisement -

A Feira de Santos de Monterroso desafiou este mércores ás inclemencias do tempo provocadas pola borrasca Ciarán e acolleu un ano máis por centos de visitantes, locais e turistas, que acoden a visitar os centos de postos agroalimentarios e de maquinaria agrícola.

A feira, cuxo orixe se remonta á Idade Media, está declarada de Interese Turístico. Entre os asistentes, estiveron o conselleiro de Medio Rural, José González, e o conselleiro do Mar, Alfonso Villares, que puxeron en valor a importancia da gastronomía local e o bo facer dos produtores galegos.

Tamén acudiron a deputada do BNG por Lugo no Parlamento, Carmen Aira, xunto ao concelleiro da localidade, Brais Vázquez, que destacaron que se trata dunha das citas “máis importantes do ano do rural galego”.

Carme Aira enxalzou as posibilidades e a calidade dos produtos que se producen no rural. “Monterroso demostra na súa feira que Galicia é un país rico e diverso cun milleiro de posibilidades, pero o que fai falta son proxectos transformadores nos concellos e no país para dinamizar e contribuír á mellora da calidade de vida das persoas que viven no rural”, remarcou.

O que tamén asistiu foi o candidato dos socialistas galegos á Xunta, José Ramón Gómez Besteiro, que reivindicou o protagonismo dos autónomos e empresas familiares que “unen tradición e innovación”. “Son un orgullo para o noso país e un exemplo de desenvolvemento rural de Galicia grazas aos fondos europeos que conseguimos os socialistas”, subliñou.

Ademais, lamentou a ausencia do presidente da Xunta no evento. “Hoxe aquí en Monterroso debería estar a tomar nota, pero non o vexo. A quen si vexo é ao presidente da Deputación de Lugo, José Tomé, e aos compañeiros alcaldes socialistas da provincia”, sinalou.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...