O municipio lugués de Monterroso prepárase para a súa tradicional Feira de Santos, coñecida como a “feira das feiras”, á que se prevé que acudan este ano máis de 20.000 persoas.
A rexedora do municipio, Rocío Seijas, manifestou este venres que as previsións “son moi boas” por “a cantidade de xente que está a chamar, mesmo autobuses, para asistir á feira”.
Serán uns 850 postos de venda os que se reunirán nunha feira que recupera a normalidade tras dous anos marcados pola pandemia, polo que as expectativas de afluencia son altas. “Esta é a feira das feiras”, aseverou a alcaldesa.
As actividades comezan o luns 31 de outubro, aínda que serán “moitos” os feirantes que chegarán o día anterior porque a loxística para 850 postos “require que veñan o día anterior”.
En edicións anteriores, a cantidade de visitantes aproximouse aos cen mil, nun concello de pouco máis de 3.500 habitantes.
