InicioSociedadeOllo... esta semana a Policía Local de Lugo fará controis de velocidade

Ollo… esta semana a Policía Local de Lugo fará controis de velocidade

Será dentro da campaña especial de vixilancia da Dirección Xeral de Tráfico (DXT) do 4 ao 10 de xullo.

PUBLICADA O

- Advertisement -

A Policía Local de Lugo realizará controis de velocidade con ocasión da campaña especial de vixilancia da Dirección Xeral de Tráfico (DXT) do 4 ao 10 de xullo, á vez que chama aos cidadáns a adecuar a velocidade do vehículo á establecida para cada vía.

Incide en que desde o 11 de maio de 2021 o límite de velocidade en vías urbanas está fixado en 20 quilómetros por hora en vías que dispoñan de plataforma única de calzada e beirarrúa e en 30 km/h nas de único carril por sentido de circulación.

E o límite en vías de dúas ou máis carrís por sentido de circulación mantense en 50 quilómetros, sinalou a Policía Local, que subliña que o incumprimento destas normas leva consigo sancións de 100 a 600 euros e a perda de dous a seis puntos en función da velocidade.

A Policía Local de Lugo resalta que o Código Penal castiga como delito contra a seguridade viaria a persoa que conduza un vehículo de motor ou ciclomotor a velocidade superior a 60 km/h en vía urbana, con penas de prisión de tres a seis meses ou multa ou traballos en beneficio da comunidade e, en todo caso, coa privación do dereito para conducir vehículos de motor e ciclomotores dun a catro anos.

Con todo, a Policía Local de Lugo solicita a todos os condutores que “adecuen a velocidade do vehículo á establecida para a vía”.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...