- Advertisement -
A Garda Civil investiga un home de 83 anos por supostamente acosar unha moza que traballou no seu domicilio como sociosanitaria do Servizo de Axuda no Fogar ata setembro de 2021, no municipio de Rábade.
Segundo fontes do instituto armado, ao finalizar a relación profesional o pasado ano, o home comezou a chamar “insistentemente” á traballadora, polo que transcorridos uns meses ela decidiu interpor denuncia.
Agora, o home é investigado por un delito de coaccións, xa que a denunciante non manifestou na súa denuncia as intencións que tiña o home nesas chamadas e non se pode considerar un delito de acoso.
