InicioSociedadeA provincia rexistra 37 hospitalizacións con Covid nun día, aínda que baixan...

A provincia rexistra 37 hospitalizacións con Covid nun día, aínda que baixan os novos casos

A área sanitaria xa baixa dos dous milleiros de contaxiados.

PUBLICADA O

- Advertisement -

Galicia arrinca a segunda semana de agosto por baixo do milleiro de contaxios de Covid-19, do que non baixaba desde o mércores pasado, con 811, e mantén a tendencia descendente dos casos activos que se sitúan en 16.824. Con todo, os pacientes hospitalizados por este coronavirus aumentan a 341, que implican 25 máis que o día anterior e 13 máis que fai sete días, e a taxa de positividade mantense nun 13 por cento.

Segundo os datos actualizados pola Consellería de Sanidade este luns con rexistros de ata as 18,00 horas do domingo, recollidos por Europa Press, as persoas ingresadas pola Covid-19 en UCI mantéñense en 55 e as hospitalizadas noutras unidades aumentan a 286, que supoñen 25 máis que a xornada anterior. Pola súa banda, 16.483 pacientes atópanse en seguimento no seu domicilio.

Por áreas sanitarias, a presión hospitalaria sobe nas sete, e na de Lugo seguen oito en críticos e aumentan a 37 os doutras unidades.

MENOS CASOS ACTIVOS

Os casos activos de Covid manteñen a tendencia descendente por cuarta xornada consecutiva e redúcense a 16.824, que constitúen 465 menos que o día anterior, ao haber máis altas (1.275) que contaxios (811), ao que se engade un falecemento.

Con respecto a hai unha semana, Galicia conta con 1.983 casos activos de Covid-19 menos que os 18.807 rexistrados o pasado luns 2 de agosto. Por áreas sanitarias, os casos activos descenden de novo en todas as áreas menos na da Coruña e Cee (+48). Así, redúcense en 101 en Lugo que baixan dos dous milleiros para situarse nos 1.914 contaxiados.

DESCENDEN OS CONTAXIOS

Pola súa banda, os novos contaxios de Covid-19 caen por baixo do milleiro –cifra da que Galicia baixou o luns pasado por primeira vez desde o 20 de xullo, pero que superaba desde o mércores de novo– e sitúanse en 811, o que supón 208 menos que os 1.019 deste domingo e algo máis dun centenar menos que os 939 rexistrados o luns anterior.

No conxunto de Galicia foron confirmados 798 positivos por Probas Diagnósticas de Infección Activa (PDIA) no último día, 244 menos que o día anterior, dos cales 74 corresponden á área de Lugo.

ÚLTIMAS

Conta atrás para o ‘Caudal Fest’

A sétima edición do Caudal Fest conta os días para a súa celebración. Este...

A Xunta declara como proxecto industrial estratéxico a construción da planta de biometano no polígono do Ceao

O Consello da Xunta aprobou este luns a declaración como proxecto industrial estratéxico a construción dunha...

Incendio en Barreiros estabilizado tras arrasar 80 hectáreas

A Consellería de Medio Rural da Xunta de Galicia deu por estabilizado esta mañá...

Cinco brigadistas ingresados con queimaduras graves tras o lume de Barreiros

Os cinco brigadistas feridos nun incendio rexistrado no municipio lucense de Barreiros foron trasladados...