O último balance de datos do Sergas amosa que a provincia de Lugo reverte a lixeira repunta de casos activos rexistrada no día de onte, pois neste venres 26 de marzo notifícase unha nova baixada de pacientes con infección activa (177, oito menos). Así mesmo, o número de novos positivos de coronavirus confirmados mediante PCR na última xornada foi de 4.

Sanidade informa tamén dun descenso no número de hospitalizacións na área lucense, que pasa das 13 de onte ás 11 de hoxe. Así e todo, hai un paciente máis na Uci (3). Os outros 8 están a ser atendidos en planta (5 no Hula, 1 na Mariña e 2 en Monforte).

Dende o inicio da pandemia, o Sergas reconta 211 vítimas mortais do coronavirus, 11.591 persoas curadas e 202.984 probas PCR efectuadas.

GALICIA

Á súa vez, a comunidade galega afronta o inicio da Semana Santa cun lixeiro descenso dos pacientes Covid hospitalizados, que se sitúan en 214, así como dos casos activos, que caen a 2.403. Podes ler a información completa no Galicia Confidencial.