A área sanitaria de Lugo rexistra este martes 23 de marzo un total de 188 casos activos por coronavirus, cinco menos ca os notificados onte polo Sergas. Nas últimas 24 horas só se confirmaron dous novos casos positivos.
En canto ás hospitalizacións, prodúcese unha nova melloría ao reducírense en dúas, ata os 12 ingresos: nove en planta (oito no Hula, un na Mariña) e tres en Uci.
Dende o inicio da pandemia, faleceron 211 persoas na provincia de Lugo, curáronse 11.556 e realizáronse 201.018 probas PCR.
GALICIA
En cambio, a nivel autonómico rexistrouse unha lixeira subida dos casos activos de Covid-19 ata os 2.490, o que supón nove máis que a xornada anterior, polo que se freou a tendencia descendente, mentres que se reduciron en 15 os pacientes con este coronavirus ingresados, que se sitúan en 249 en Galicia. Podes ler a información completa no Galicia Confidencial.
