- Advertisement -
Tras varios días de tendencia descendente, a área sanitaria de Lugo presenta hoxe unha lixeira repunta nos contaxios detectados e na presión asistencial. Así, nas últimas 24 confirmáronse 17 novos positivos de coronavirus, se ben os casos activos seguen diminuíndo (327, o que son 12 menos ca no día anterior).
O Sergas informa de 35 persoas ingresadas (+5): 24 en planta (15 no Hula, 2 na Mariña e 7 en Monforte) e 9 nas Uci.
Dende o inicio da pandemia, faleceron en Lugo 206 persoas que foran diagnosticadas por coronavirus, curáronse 11.248 e realizáronse 191.494 probas PCR.
Podes ler a información completa para o conxunto galego no Galicia Confidencial.
