InicioSociedadeUnións Agrarias denuncia "abandono" da Xunta para controlar a praga de ratas...

Unións Agrarias denuncia “abandono” da Xunta para controlar a praga de ratas na Montaña

Reclaman axudas para paliar os cuantiosos danos e un plan de acción integral para evitar a extensión do problema.

PUBLICADA O

- Advertisement -

Unións Agrarias denunciou “o abandono por parte da Consellería de Medio Rural para controlar a praga de ratas toupa nos concellos da montaña de Lugo”.

A organización agraria reprocha á Administración autonómica “deixamento” e afirma que “deixou pasar máis de dous anos ata a posta en marcha da primeira actuación respecto diso: un plan piloto que non era máis que un ensaio sen ir mais alá porque a fase de erradicación aínda non se concretou”.

Unións Agrarias cualifica de “inaceptable” que neste tempo a Xunta de Galicia “fixese oídos xordos” ás peticións de axuda dos afectados “e que non se habilitou ningunha liña para paliar os cuantiosos danos”.

Sobre as primeiras actuacións, sostén que “a posta en marcha de ensaios para probar distintos métodos para o control da praga que nos últimos días están a ser realizados por persoal de Tragsa en distintas leiras da zona chega moi tarde”. “E dá boa mostra do escaso compromiso da administración cara aos problemas que afectan ao noso medio rural”, sostén.

En canto ás medidas, denuncian a ausencia de “un plan de acción integral” e de orzamento “destinado á praga de roedores na totalidade da superficie afectada”. Tamén rexeitan que se deixe “en mans dos afectados a instalación de trampeos”, entre outras razóns, polo “custo económico engadido aos cuantiosos danos que estes animais levan meses provocando”.

ÚLTIMAS

O sector da limpeza en Lugo critica a petición de adiamento da patronal para decidir se acepta a mediación

Traballadores do sector da limpeza en Lugo criticaron "unha nova mostra do "absoluto desinterese"...

Unha persoa resulta ferida nun choque entre un camión cisterna e un coche en Abadín

Un camión cisterna que transportaba leite chocou contra un coche e envorcou en Abadín....

A que se debeu a grande expansión do lume no incendio de Baleira?

Os incendios que cada ano asolan Galicia destrúen a nosa paisaxe, o noso patrimonio...

Unha residencia de Vilalba deberá readmitir a unha empregada despedida por reivindicar mellores condicións laborais

O Xulgado do Social número 1 de Lugo declarou nulo o despedimento dunha traballadora...