EFE | Unha muller foi detida por extorsionar un home durante trinta anos coa ameaza de denuncialo por unha suposta agresión sexual, segundo informa a Policía. Con esta práctica, a acusada obtido preto de 30.000 euros.

A muller de 55 anos, residente en Lugo igual ca o home, foi detida tras a denuncia presentada a semana pasada por suposta extorsión, indica a Policía.

Nun primeiro momento, a muller reclamaba cantidades de 20 a 30 euros pero progresivamente foi aumentando e chegou a esixir de 1.000 a 2.000 euros a cambio de “non realizar unha denuncia falsa por violación”, segundo fontes policiais.

De feito, cando se producían as entregas, a muller ameazaba o home con tirarse ao chan e pedir auxilio a berros se non lle daba o diñeiro solicitado.  Ao ser incapaz de satisfacer as súas demandas de diñeiro, a suposta vítima tomou a decisión de presentar denuncia na Comisaría de Lugo.