InicioSociedadeRepunta a presión asistencial na área de Lugo, con seis ingresos máis...

Repunta a presión asistencial na área de Lugo, con seis ingresos máis na Mariña

Detectáronse 82 novos casos nas últimas 24 horas e os positivos activos sitúanse nos 1.146.

PUBLICADA O

- Advertisement -

A área sanitaria de Lugo-A Mariña-Monforte rexistra este luns 18 de xaneiro un total de 1.146 casos activos de coronavirus, 48 máis ca os contabilizados onte. Amais diso, o Sergas informa de que nas últimas 24 horas se confirmaron 82 novos positivos a través de PCR.

A situación bate de cheo nos hospitais da provincia, que atenden 50 pacientes ingresados (sete máis ca onte). Deles, 43 están hospitalizados en planta e os sete restantes permanecen nas Unidades de Coidados Intensivos. Porén, hai tres persoas na UCI do HULA que foron trasladadas dende o Hospital de Ferrol debido ao aumento da presión hospitalaria. 

Amais dos ingresos na unidade de críticos, o HULA conta 19 pacientes en planta. Tamén o da Mariña ten 19 hospitalizacións relacionadas coa Covid-19, o que supón un aumento de seis doentes respecto de onte. Por último, o centro de Monforte mantense con cinco ingresos.

Por outra banda, no histórico da provincia documéntanse 151 falecidos, 7.054 curacións e 141.309 PCR dende o inicio da pandemia.

GALICIA

Tamén o conxunto da comunidade galega experimentou un aumento na presión hospitalaria. En apenas 24 horas, os ingresos en planta pasaron de 557 a 635, e nas UCI de 98 a 104. Esta escalada de hospitalizacións dáse logo de encadear sete xornadas reportando máis dun millar de novos casos positivos.

ÚLTIMAS

“Boa noticia para Lugo”, o TSXG confirma que o Concello de Lugo non ten que indemnizar ao promotor do Garañón

O Tribunal Superior de Xustiza de Galicia (TSXG) confirmou o fallo do Xulgado do...

Acepta ano e medio de prisión por insultar, acosar e ameazar a unha parella homosexual da cidade

Un home acusado de insultar, acosar, amedrentar e ameazar de morte a unha parella...

O PP oponse a rexeitar o proxecto de Altri, como pide o BNG

O Partido Popular opúxose este martes a rexeitar o proxecto de planta de celulosa de Altri...

A Deputación de Lugo reivindica o seu modelo de residencias de maiores

O responsable de Promoción Económica e Social da Deputación de Lugo, Pablo Rivera Capón,...