Galicia detectou nas últimas 24 horas 64 casos de coronavirus máis que na xornada anterior, cun aumento da presión hospitalaria debido ao incremento do número de ingresados, 17 persoas máis. A taxa de positividade descende ata o 6,9%, aínda que segue sendo alta.

Así figura no balance de datos da pandemia ofrecidos pola Consellería de Sanidade este luns. Son agora 353 as persoas hospitalizadas con diagnóstico de covid-19 nas sete áreas sanitarias galegas, fronte ás 336 dos datos facilitados o domingo. Deles, 58 atópanse na UCI, o mesmo número que hai 24 horas. En Lugo soben a 14 o hospitalizados –un máis– con tres deles en críticos –un menos–.

MÁIS POSITIVOS

En canto á detección de casos, Galicia sumou 277 novos positivos por coronavirus nun día, o que implica un aumento respecto da xornada anterior, un total de 64. Tamén se incrementou o número de PCR, con 5.024 máis realizadas.

a área sanitaria de Lugo-A Mariña-Monforte,rexistra o maior incremento de casos confirmados por PCR nas últimas 24 horas en relación á xornada anterior en Galicia. Pasa de sete a 41, segundo os últimos datos facilitados por Sanidade.

CASOS ACTIVOS

En canto aos casos activos –persoas que seguen diagnosticadas de covid-19–, Galicia volve presentar unha baixada, menos en Lugo. Nesta área hai 397, casos, 23 máis.