InicioSociedadeAs 'colas da fame' volven estenderse ante o Banco de Alimentos nesta...

As ‘colas da fame’ volven estenderse ante o Banco de Alimentos nesta segunda onda da pandemia

Un total de 1.500 familias acoden ás sedes desta organización na provincia de Lugo. Delas, máis de 800 son na cidade.

PUBLICADA O

- Advertisement -

As denominadas “colas da fame” volven ser habituais ante as delegacións do Banco de Alimentos na cidade de Lugo, na Mariña e en Monforte de Lemos. A crise sanitaria e socioeconómica da Covid-19 provocou unha maior influencia e, agora mesmo, o Banco de Alimentos xa atende unhas 1.500 familias.

Na primeira onda xa foi moi habitual ver esas longas filas para recoller comida. Agora esa imaxe volve repetirse, segundo puxo de relevo a presidenta do Banco de Alimentos, Amadora Núñez. Aínda que non se está producindo “con tanta magnitude”, Amadora Núñez advirte de que se vai “camiño diso”. “Non se que vai pasar, moita xente quedou sen traballo, sen ERTE, quedouse sen nada e están desesperados e é normal. Volvemos ver persoas que tiñan o seu propio negocio e isto dá moito medo”, lamentou.

Así, pregúntase “ata cando” se pode “manter este pulso coa desgraza”. Explicou que agora “non” se poden facer “operacións quilo” e as que levan a cabo teñen que ser “en liña”. “As empresas levan moito tempo colaborando. Isto dáme medo”, abundou.

EN CIFRAS

O Banco de Alimentos, nas súas tres sedes, atende “unhas 1.500 familias”, das cales máis de 800 son na cidade de Lugo. “Chegamos a pasar das 2.000 familias, pero cada semana hai máis xente sen nada, desesperada e que vén buscar comida, como cando comezou a pandemia”, detallou.

Son sobre vinte toneladas de alimentos os que se despachan á semana e os venres son os días nos que se produce unha maior concentración de persoas ás portas do banco. “Sobre todo a partir das catro da tarde, que é cando vén xente dos pobos: de Vilalba, Lourenzá, Pastoriza, Quiroga, Sarria, Láncara e O Páramo”, apuntou, entre outros concellos da provincia de Lugo.

A crise que tamén trae fame: Cáritas atendeu un 15% máis de persoas en Lugo

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...