A conselleira de Medio Ambiente, Territorio e Vivenda, Ángeles Vázquez, avanzou que as obras da segunda fase de urbanización do polígono das Gándaras, en Lugo, comezarán antes de final de ano.
Nunha visita este venres, destacou que con esta ampliación disporase de case 90.000 metros cadrados nos que haberá dúas parcelas, unha praza pública e 500 prazas de aparcadoiro.
Tamén se traballa no proxecto sectorial do parque das Gándaras que se prevé aprobar o próximo mes. Este é o segundo polígono que adxudicou máis chan desde o inicio do programa de incentivos do Instituto Galego de Vivenda e Solo en 2015.
Pola súa parte, a alcaldesa da cidade, Lara Méndez, pediulle á Xunta que sexa áxil na posta a disposición das parcelas do Polígono das Gándaras ás iniciativas empresariais que poidan interesarse para que Lugo non perda oportunidades económica.
