O brote de coronavirus Covid-19 rexistrado no municipio lucense de Meira elévase a 18 casos positivos, tras sumar dous novos, confirmaron este luns fontes da área sanitaria de Lugo.
Sobre este brote, de orixe familiar, as mesmas fontes sanitarias puntualizaron que se fixeron probas a todos os contactos e séguese co rastrexo de todos os contactos.
A área Sanitaria de Lugo, A Mariña e Monforte concentra este luns 495 casos activos na provincia, dúas máis que este domingo, dos que 34 corresponden a pacientes hospitalizados, cinco deles en UCI e 29 noutras unidades de hospitalización.
