InicioSociedadeA CIG denuncia problemas para tratar os residuos biolóxicos da Covid no...

A CIG denuncia problemas para tratar os residuos biolóxicos da Covid no PAC de Outeiro de Rei

PUBLICADA O

- Advertisement -

A CIG denunciou que o PAC de Outeiro de Rei non está a almacenar “correctamente” os residuos biolóxicos debido á falta de medios apropiados, unha situación especialmente preocupante nun momento de pandemia sanitaria debido á COVID-19.

A responsable de CIG-Saúde en Atención Primaria en Lugo, María Xosé Lourés, denunciou que estes residuos, que inclúen EPIs que puideron estar en contacto con contaxiados pola COVID, “deberían estar introducidos nuns cubos que son os apropiados para iso” e que o persoal do centro solicitou á dirección da área sanitaria de Lugo “esas medidas”, que faltan “a día de hoxe –este martes 22 de setembro– e desde o domingo”.

“Hai tanta demanda de uso destas EPIs que a dotación que hai deste tipo de cubos non chega a día de hoxe. Fai falta un protocolo e unha organización que responda á maior prontitude a este tipo de problemas”, demandou.

A delegada de CIG-Saúde apresurouse en advertir que “deixalos á intemperie significa que calquera poida contaxiarse”, dado que o centro atópase nas inmediacións da residencia DomusVi intervida pola Xunta. “É un problema ao que lle ten que dar solución a dirección da área sanitaria á maior prontitude“, reclamou.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...