InicioSociedadePais e profesores de Muimenta "atan as mans" para pedir un regreso...

Pais e profesores de Muimenta “atan as mans” para pedir un regreso seguro ás aulas

As familias e docentes rexeitarán calquera medida por parte da consellería de Educación que non implique investimento en seguridade.

PUBLICADA O

- Advertisement -

A plataforma Iniciativas do Profesorado #OPOñomeaestaOPO e varios agrupamentos
de nais e pais de alumnos/as, entre o que destaca a ANPA A Granda de Muimenta demandan, aínda que con motivacións diferentes unha volta ao cole segura en setembro, esixindo que dende a administración non se escatime en recursos e en medidas para garantir a seguridade de cada un dos membros da comunidade educativa de Galicia por mor da COVID-19.

Por isto, anuncian unha campaña en redes na que se visualizan “coas mans atadas” para novamente pedir medidas e garantías para toda a comunidade educativa.  Nesta iniciativa tamén participaron persoas do eido da cultura galega como Mamá Cabra ou PacoNogueiras, e figuras do ámbito político como Martiño Noriega.

“Animar dende aquí a todos aqueles que queiran participar nesta iniciativa a inundar as redes co cancelo #atadosdemans e con máis fotografías, nas cales non é necesario que saia a cara, soamente as mans atadas de afectados directa ou indirectamente por unha volta ás aulas neglixente”, indican.

“ENSINO DE CALIDADE”

“Nos últimos meses, docentes e familias vimos de facer un gran esforzo para que o noso alumnado e as nosas fillas e fillos non visen minguado o seu dereito a recibir un ensino de calidade, pese as condicións e a falta de medios ás que docentes e familias tivemos que facer fronte”, indica a plataforma no seu comunicado a prensa. Ao que engaden que “agardaban que a Consellería tivese tempo suficiente para organizar un setembro sen riscos e con garantías plenas para regresar aos centros educativos, pola súa contra, optou por propor unha volta temeraria, sen medidas específicas.”

Plataforma, ANPA e familias consideran que non é posible iniciar o curso escolar se non se adoptan medidas excepcionais, como é a medida de redución de alumnos/as por aula, algo que implica a contratación de máis profesorado. Os docentes están dispostos a fragmentar grupos se iso supón gañar en seguridade.

O comunicado conclúe co “rexeitamento de docentes e familias de calquera actuación por parte da Consellería de Educación que non implique investimento en seguridade“.

ÚLTIMAS

O SLG alerta das xubilacións masivas en granxas e pide axudas para novas incorporacións e plans de mellora

Responsables do Sindicato Labrego Galego concentráronse este mércores en Lugo, diante do edificio da...

Traballadoras de residencias privadas mobilízanse en Lugo en demanda dun convenio digno

O persoal das residencias privadas de Galicia continúa coas súas mobilizacións en demanda dun...

O Concello de Lugo concede máis de 250 licenzas de obra en 2024 por máis de 100 millóns de euros

O Concello de Lugo tramitou en 2024 un total de 256 licenzas de obra,...

Investigan un veciño de Cervantes por vender sen autorización madeira dun monte comunal

Un veciño do municipio lugués de Cervantes figura como investigado pola Garda Civil por...