A área sanitaria de Lugo rexistra este mércores 6 de maio un total de 166 casos activos, trece menos ca onte, cando o Sergas contabilizaba 179. Ademais, mingua a presión hospitalaria na provincia, con só sete persoas ingresadas en planta ou nas Unidades de Coidados Intensivos.

En concreto, o número de persoas hospitalizadas pasa de cinco a só dúas: unha no Hospital Público da Mariña e outra no HULA. Mentres, os pacientes nas UCI mantéñense en cinco, todos eles no HULA. Na Mariña continúan dous, pero Sanidade informa de que xa deron negativo nas probas de COVID-19.

Por outra banda, 159 positivos permanecen no seu domicilio, dez menos ca onte, e o Sergas suma 25 altas máis dende onte, de maneira que xa ascenden a 691.

GALICIA​

Respecto do conxunto da comunidade galega, Sanidade informa de 2.808 positivos activos (-11), con 6.802 recuperacións (+241). Os falecementos soben ata os 582.