InicioSociedadeUn estudo do Campus Terra analiza os hábitos lúdicos das familias no...

Un estudo do Campus Terra analiza os hábitos lúdicos das familias no confinamento

Silvia López-Gómez, especialista en videoxogos, coordina cunha compañeira da Universidade de Navarra un cuestionario que servirá para coñecer a que xogan os nenos e nenas durante este estado de alarma.

PUBLICADA O

- Advertisement -

A que xogan os nenos e nenas durante estas semanas estrañas? En que pasan o tempo durante esta corentena? Esas son as preguntas que tenta responder un estudo da Universidade de Santiago de Compostela, no que participa unha investigadora do Campus de Lugo, e que analizará os hábitos lúdicos das familias durante o estado de alarma a través dunha enquisa en liña.

A docente e investigadora Silvia López-Gómez, da Facultade de Formación do Profesorado en Lugo, deseñou e coordinou este cuestionario xunto a súa compañeira Apolinar Varela, da Facultade de Educación e Psicoloxía da Universidade de Navarra. López-Gómez é especialista en videoxogos, mentres que Varela desenvolveu a súa tese de doutoramento arredor do xogo tradicional. Unha e outra fan confluír o seu coñecemento para investigar os cambios producidos durante o confinamento nos costumes lúdicos dos menores de idade.

A acción proposta por estas dúas profesoras, que lanzaron a enquisa a través das redes sociais o pasado 8 de abril, busca tamén explorar a percepción das nais e dos pais sobre o xogo no fogar antes e durante o confinamento, a fin de mellorar así a súas perspectivas sobre o dereito ao xogo na infancia para futuras investigacións.

En apenas dúas semanas, o cuestionario xa foi cuberto por máis de 500 familias, a maioría de Galicia, aínda que tamén contan con respostas doutros puntos da xeografía española e mesmo un número representativo de familias de Arxentina ou México.

A enquisa permanecerá accesible na web ata o vindeiro 27 de abril, cando está previsto que os cativos poidan saír algo máis das casas. Pode participar calquera persoa, sempre e cando teña algún fillo ou filla menor de idade ao seu cargo durante este estado de alarma.

ÚLTIMAS

Aprobada a licenza urbanística para ampliar as instalacións da protectora de animais

O Concello de Lugo completou este mércores o proceso administrativo necesario para legalizar e ampliar as...

Un vehículo choca contra outro tras circular en sentido contrario na A-6, ao seu paso por Lugo

Unha persoa resultou ferida tras unha colisión frontal de dous vehículos, un deles circulaba en...

Polémica en Lugo polas obras de conexión de Lugo con Sarria

A Xunta de Galicia respondeu ao alcalde de Lugo, Miguel Fernández, asegurando que non existe...

Deteñen un home en Lugo despois de agredir cun coitelo a un sobriño

A Policía Local de Lugo detivo na tarde do pasado luns, 13 de outubro,...