InicioSociedadeOs usuarios da residencia pechada na Fonsagrada permanecen no HULA á espera...

Os usuarios da residencia pechada na Fonsagrada permanecen no HULA á espera de ser recolocados

O Concello pide á Xunta información sobre as "medidas que vai tomar" Política Social para trasladar os 29 anciáns a outros centros.

PUBLICADA O

- Advertisement -

O Concello da Fonsagrada atópase á espera de coñecer a recolocación de 29 persoas maiores tras o peche a semana pasada dunha residencia privada polas malas condicións dos anciáns nestas instalacións, con 23 prazas.

Así o explicou este luns o alcalde da Fonsagrada, Carlos López, en declaracións a Europa Press, quen confirmou que os 29 maiores permanecen, de momento, nunha planta do Hospital Universitario Lucus Augusti (HULA) de Lugo á espera de ser recolocados. Todos “están ben”, aínda que tres deles se manteñen hospitalizados.

O rexedor destacou que o Concello está “a facer xestións” coa Consellería de Política Social para saber “que pasos hai que dar” e para que os “informen das medidas que van tomar, se teñen pensado trasladalos e a que residencia”.

Respecto diso, o rexedor confirmou que os maiores desaloxados, procedentes de “varias provincias” galegas, “seguen no hospital“, onde “os situaron nunha sala para que estean xuntos”, abundou.  O alcalde explicou que familiares dalgúns dos maiores afectados “queren que queden na residencia pública da Fonsagrada”, en funcionamento desde febreiro e que conta con “27 prazas”, matizou.

FEITOS

O Goberno galego ordenou o peche cautelar das vivendas comunitarias Burón I e II, unha residencia privada situada no termo municipal da Fonsagrada, tras constatar as malas condicións das persoas maiores que se atopaban nesas instalacións.

A denuncia partiu dun informe emitido polos Servizos Sociais da Fonsagrada o pasado martes, no que se advertiu á Administración autonómica dunha posible situación de malos coidados aos residentes do centro e de diversas irregularidades, tanto nas condicións como na atención aos mesmos.

Ante a situación alertada no documento, a inspección de Servizos Sociais da Xunta desprazouse ao centro para corroborar os feitos sinalados na denuncia e tamén remitiu un aviso a corpo de Garda Civil.

Deste xeito, os efectivos desprazados constataron a situación na que se atopaban estes residentes, 29 anciáns nun centro con 23 prazas e en condicións inadecuadas, feitos que motivaron o peche inmediato das instalacións.

ÚLTIMAS

Investigados dous lucenses tras atopar un can abandonado que fora dado de baixa por falecemento

A Garda Civil investiga a dous veciños das localidades lucenses de Castroverde e do Corgo como supostos autores...

Declaran extinguido o incendio da Fonsagrada tras queimar 65 hectáreas

O incendio do municipio lugués da Fonsagrada quedou extinguido na tarde...

Greenfiber quere mostrar a empresarios de Lugo a achega de Altri á economía local

A sede da Confederación de Empresarios de Lugo (CEL) e Cámara de Comercio de...

A muller de Lugo que denunciou á súa ex parella declara que tentaba forzala “todas as noites”

A Audiencia Provincial de Lugo acolleu este xoves o xuízo contra un home de...