A área de Mobilidade e Infraestruturas do concello de Lugo puxo en marcha un Plan de Seguridade Vial no entorno dos centros escolares. O primeiro está sendo xa instalado nas rúas Montirón e Ramón Ferreiro co obxectivo de “calmar o tráfico das zonas escolares”.
“Traballamos para complementar as medidas que xa se están implantando dende a propia Dirección Xeral de Tráfico, que van encamiñadas a cidades con tráficos calmados e cun menor número de vehículos circulando”, indicou o Tenente de Alcalde, Rubén Arroxo.
O obxectivo é colocar estes pasos de peóns elevados no entorno de todos os centros escolares, nas rúas Galicia, Marina Española, Roi Xordo, Alexandre Bóveda, Ángelo Colocci, Alfredo Brañas, Serra de Outes e Avenida de Madrid. Esta actuación enmarcase do plan de repintado xeral da sinalización viaria horizontal que se acometerán en toda a cidade.
