Os propietarios da funeraria Alba, con sede en Becerreá, serán os encargados de coordinar este xoves, día 24 de outubro, os traballados de exhumación dos restos do ditador Francisco Franco do Val dos Caídos.
Así o confirmou o responsable do tanatorio de Becerreá, Cristian Sepúlveda, quen informou de que é o propietario da empresa, Asdrúbal Humberto Sepúlveda, quen dirixe xa en Madrid o operativo.
Segundo explicou, este especialista trasladouse xunto a outras cinco persoas desde Galicia á capital estatal, onde ultiman os preparativos da exhumación xunto aos traballadores que esta empresa ten nas súas instalacións de Madrid.
Así, unhas 20 persoas conforman o dispositivo que participará no proceso de exhumación dos restos do ditador, para o que o Goberno contratou á empresa Iberfunerarias, propiedade tamén de Sepúlveda pero situada en Madrid.
En concreto, ademais de en Madrid e Becerreá, a empresa funeraria Alba conta con instalacións nos municipios lucenses do Corgo, Triacastela e As Nogais.
