InicioSociedadeRematan as obras no cinturón comarcal do Corgo logo do afundimento da...

Rematan as obras no cinturón comarcal do Corgo logo do afundimento da ponte de Maceda

O tráfico queda restablecido para todo tipo de vehículos seis meses despois de que a LU-P-1611 se volvera impracticable neste punto. A Deputación destinou 300.000 euros para reparar o firme

PUBLICADA O

- Advertisement -

A Deputación finalizou as obras de reparación da estrada LU-P-1611 ao seu paso polo Corgo, onde se sufrira un afundimento do solo no mes de xaneiro. Así pois, queda restablecido o tráfico neste punto do cinturón comarcal -así se coñece esta vía-. Concretamente, trátase do tramo correspondente á ponte do río Maceda.

O presidente da Deputación en funcións, Darío Campos, supervisou as obras de emerxencia que se executaron no Corgo e para as cales o ente provincial destinou 300.000 euros. Os traballos desenvolvidos na ponte do río Maceda, no punto quilométrico 7.800, consistiron no corte e demolición do firme, a retirada do recheo e dos tubos e a construción de estribos e vigas, ademais da pavimentación. Por último, tamén se repuxo a sinalización e implantáronse novos sistemas de contención do vial, segundo sinalan dende a Deputación.

A LU-P-1611 sufrira un afundimento no mes de xaneiro “por mor do tráfico pesado” que soporta. A raíz diso, o departamento de Vías e Obras da Deputación redactou un proxecto para a súa mellora, coa condición de urxente. Seis meses despois do incidente, queda restablecido o tráfico nesta estrada provincial para todo tipo de vehículos. A Deputación afirma que conta con todas as garantías de seguridade para a súa circulación.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...