InicioLugo e contornaLugoPiden catro anos de cárcere para un lucense que estafou 127.000 euros...

Piden catro anos de cárcere para un lucense que estafou 127.000 euros a unha muller que coñeceu nunha web de contactos

O Ministerio Público pide catro anos de cárcere para un veciño de Lugo que estafou 127.000 euros a unha muller á que coñeceu a través dunha web de contactos e á que enganou dicindo que necesitaba diñeiro para optar a poxas xudiciais. A Audiencia Provincial de Lugo celebra desde este mércores o xuízo.

PUBLICADA O

- Advertisement -

O Ministerio Público pide catro anos de cárcere para un veciño de Lugo que estafou 127.000 euros a unha muller á que coñeceu a través dunha web de contactos e á que enganou dicindo que necesitaba diñeiro para optar a poxas xudiciais. A Audiencia Provincial de Lugo celebra desde este mércores o xuízo.

Segundo a información do escrito de acusación, o home coñeceu a muller a través dunha web de contactos no ano 2013, cando ela se atopaba “nun baixo estado anímico tras o falecemento da súa nai e da súa parella sentimental”.

Tras lograr con ela unha “relación de confianza”, o home convenceu a vítima para que lle fixese diversas entregas de cantidades de diñeiro co suposto fin de adquirir varios inmobles en poxas xudiciais, que lle entregou en catro momentos entre 2013 e 2014.

Con todo, di o fiscal, “o acusado nunca chegou a realizar ningunha das operacións que lle comunicou” á muller, “apropiándose das cantidades entregadas”. Por iso, considérao culpable dun delito de estafa e pide para el catro anos de prisión e unha multa, así como á devolución dos 127.000 euros.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...