O Goberno da Deputación Provincial de Lugo recoñeceu este martes realizar pagos á empresa Equipo Económico S.L., involucrada na presunta trama de corrupción na que se investiga ao exministro popular de Facenda Cristóbal Montoro. Así, despois de transcender que hai pagos de administracións a esta empresa, entre elas a institución lucense entre os anos 2008 e 2011, este martes a Deputación explicou que se contratou a esta compañía no ano 2011 para a elaboración dun estudo dos factores favorecedores do emprendemento na provincia de Lugo.
Segundo detallaron, presentáronse tres empresas a este concurso, Novotec Consultores SA, PWC Asesores de Negocios e o propia Estudo Económico SL, que foi a que gañou “por ser a oferta máis barata”. O estudo foi realizado por esta empresa e entregado en tempo e forma, polo que a Deputación abonou a factura expedida por 34.220 euros, “que era o importe do contrato”, sinalaron. Estas mesmas fontes engadiron que o expediente é totalmente “correcto” e figura no arquivo da Deputación para a súa consulta e supervisión.
