InicioPolíticaAna Miranda entrega un informe sobre Altri a Teresa Ribera para que...

Ana Miranda entrega un informe sobre Altri a Teresa Ribera para que coñeza “os argumentos en contra” da planta

"Non queremos un novo Prestige na terra", apuntou a eurodeputada nacionalista, que xa levou a cabo varias accións para denunciar esta situación

PUBLICADA O

- Advertisement -

A eurodeputada do BNG, Ana Miranda, entregou á candidata a vicepresidenta executiva da Comisión Europea para unha Transición Limpa Teresa Ribera un informe sobre Altri, co obxectivo de que coñeza “todos os argumentos en contra” da planta que a compañía pretende instalar en Palas de Rei.

“É imprescindible que, se é elixida, a futura vicepresidenta teña todos os datos sobre este proxecto que opta aos fondos Next Generation e escoite todas as voces e todos os argumentos en contra da súa instalación, tan nocivos e prexudiciais para a zona, co obxectivo de impedir que se constrúa un proxecto que incumpre a normativa comunitaria e conta con oposición social en Galicia”, reivindicou Miranda.

Ademais, envioulle unha carta na que lle solicita a Ribera unha reunión cos colectivos que se opoñen á instalación da factoría, segundo recolle o BNG nun comunicado.

Ana Miranda lamentou que, a pesar de que inicialmente se contemplaba a instalación dunha fábrica téxtil, finalmente trátase dunha “macrocelulosa” que se situaría nunha zona “agrogandeira rica en biodiversidade”, insistindo en que o proxecto “non pode acceder aos fondos europeos” ao ser “altamente contaminante”.

“Non queremos un novo Prestige na terra”, apuntou a eurodeputada nacionalista, que xa levou a cabo varias accións para denunciar esta situación.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...