A presidenta do PP de Lugo, Elena Candia, insistiu este luns en pedir explicacións ao Goberno central polo derrube do Castro, na autovía da A-6, e asegurou que lle parece “ben” que os nacionalistas galegos “se somen” á petición dunha comisión de investigación.

“Levamos pedindo moito tempo”, manifestou Candia en relación á petición de culminar o arranxo e dar explicacións. Así, reclamou que, primeiro, se arranxe e que se explique; e, segundo, sinalou que “as explicacións viñeron tarde, mal e a rastro e non foron convincentes”. “A nós non nos convencen e parece que agora ao Bloque Nacionalista Galego tampouco“, observou.

Elena Candia subliñou que a situación “profunda na realidade da provincia, que é a peor comunicada de toda España, e nas necesidades de que se tomen en serio os compromisos con esta provincia”. “Tamén profunda na petición ao partido socialista de que faga valer, se o ten, o liderado político para mellorar as comunicacións e as infraestruturas con Lugo”, reivindicou.