InicioPolíticaO alcalde de Castroverde competirá con Tomé para "facer un PSOE diferente"

O alcalde de Castroverde competirá con Tomé para “facer un PSOE diferente”

Presenta os avais e lembra que Tomé pertence a mesma executiva actual que "demostrou estar errada".

PUBLICADA O

- Advertisement -

O alcalde de Castroverde, José María Arias, presentou este luns os avais necesarios para competir no proceso interno para liderar o PSOE provincial de Lugo, no que se enfrontará ao presidente da Deputación, José Tomé.

O rexedor precisou que presentou o máximo permitido para concorrer a este proceso de primarias, ao rexistrar uns 304 pese facerse cuns 400 avais.

O alcalde de Castroverde, que forma parte do goberno provincial que preside Tomei, confesou que concorre a estas primarias “moi ilusionado”. “Non teño nada que perder”, sostivo.

Así, avanza que vai defender “un partido diferente ao que se está facendo” ao considerar que “xa se demostrou o fracaso de hai dous anos”, en referencia á elección como secretaria provincial de Patricia Otero. Respecto diso, sostivo que “o candidato Tomé defende o mesmo” tendo en conta que “xa era presidente desa executiva errada“. “E agora é máis do mesmo só que cambian as formas”, apuntou.

O alcalde de Castroverde quere “darlle forza á militancia da provincia“, para seguidamente deixar claro que está “disposto a acatar o resultado” das primarias. Ademais, incide en que non é partidario de “levar o partido desde unha institución” como neste caso pode ser a Deputación de Lugo. “Así o partido vai a desparecer por completo. O partido ten que ter voz propia“, reivindicou.

TOMÉ

En fronte terá ao presidente da Deputación, José Tomé, que presentou os seus avais na sede do partido en Santiago de Compostela, “máis de 620” que comprenden “todas as comarcas” da provincia de Lugo.

Tomei precisaba o domingo que se presenta para “trasladar ao conxunto do partido” a súa “experiencia política, que xa empeza a ser dilatada tanto no ámbito orgánico como no institucional”. Este proceso concluirá o 30 de xaneiro co congreso provincial, tras unha campaña que arrincará o día 15, unha vez que queden proclamadas oficialmente as candidaturas á secretaria provincial en Lugo do PSdeG-PSOE.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...