O alcalde de Portomarín saínte, o popular Juan Serrano, recomendou ao seu sucesor, o tenente de alcalde Pablo Rivas, que “antepoña os intereses dos seus veciños aos do partido”. Serrano que levaba dez anos á fronte do concello xa anunciara que non se ía a presentar á reelección e rexistrou, o pasado venres, a súa renuncia no Consistorio.
“Sempre crin en dúas lexislaturas e pedíronme unha terceira pero si que este era o momento, co partido renovado a nivel provincial”, manifestou, en referencia ao recente congreso popular. “Aínda que o pospuxen dous meses, crin que era o momento de facelo”, apuntou.
O rexedor de Portomarín asume que fixo “o seu proxecto”, á vez que confesou que está “orgulloso” do realizado. “Tiven a mesma intensidade no concello que na miña empresa e coa mesma lealdade”, subscribiu. Agora quere ter tempo para si “mesmo”, envorcarse na súa empresa e na súa familia, aínda que seguirá ata o final da lexislatura como concelleiro do grupo popular.
Respecto diso de se mantén tamén algunha discrepancia coa dirección provincial do PP, Serrano négao e apelou a que deixa “tantos amigos con antigas responsabilidades, como cos de agora”.
No entanto, recoñeceu que “hai momentos de tensión cando esixes para o teu concello”, algo que lle levou a lembrar ao seu tenente de alcalde e sucesor que a “obrigación da defensa do seu pobo e non do partido”. “Por encima dos intereses do partido están os dos meus veciños. Iso non quere dicir que non siga co meu compromiso co partido, que vou seguir na corporación. Nun matrimonio ás veces xorden desencontros, pero o importante é o proxecto de continuidade”, aseverou.
EN 15 DÍAS
Pablo Rivas, que avanzou que “nun prazo” de quince días “constituirase a nova corporación”, e a partir de aí será cando asuma a alcaldía. Seguidamente advirte que a decisión de Serrano “non” lle pillou “por sorpresa”. “Era algo falado, sabiamos que tiña a idea de deixar a alcaldía. Non te parece que poida chegar o momento, pero era algo xa falado hai tempo”, explicou.
Rivas sinalou que “afronta” este reto “con moita ilusión”, á vez que anticipa que a súa etapa será “continuista” con respecto a Juan Serrano. “Seguiremos na mesma liña, ou trataremos de facelo”, concluíu o futuro alcalde de Portomarín.
