InicioLugo e contornaPortomarínO BNG colga a estreleira no encoro de Belesar para pedir a...

O BNG colga a estreleira no encoro de Belesar para pedir a fin do “espolio enerxético”

Volven pedir unha tarifa eléctrica galega.

PUBLICADA O

- Advertisement -

O BNG desenvolveu unha acción simbólica no encoro de Belesar, en Portomarín, para defender a aplicación dunha tarifa eléctrica galega e pedir o fin do “espolio enerxético que sofre Galicia”. Na acción participaron diferentes cargos políticos e militantes da organización das comarcas de Lugo e Lugo sur; entre eles a deputada pola comarca e viceportavoz do BNG no Parlamento galego, Olalla Rodil.

Rodil anunciou que o BNG solicitará a creación dunha comisión de investigación na Cámara autonómica sobre o “baleirado kamikaze” dos encoros galegos. “Á actividade das eléctricas sobre as nosas presas hai que porlle luz e taquígrafos para depurar responsabilidades, tanto empresariais como políticas”, asegurou a deputada nacionalista.

A viceportavoz do BNG sinalou ademais que os nacionalistas sacarán adiante unha proposta para “cambiar o marco eléctrico do Estado e fixar unha tarifa eléctrica galega”, posto que Galicia, “como gran produtora de enerxía, ten dereito a decidir sobre o funcionamento dos seus recursos naturais e integralos a favor dos intereses dos galegos”.

Ao fío disto, Rodil remarcou os diferentes impactos que a produción eléctrica deixa na Comunidade, como “danos ambientais e custos sociais, económicos e ecolóxicos”. “O mínimo é que se poida compensar aos galegos e pór eses recursos en favor do desenvolvemento do noso país”, incidiu a deputada nacionalista.

Please wait while you are redirected...or Click Here if you do not want to wait.
+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...