InicioLugo e contornaLugoJosé Tomé, tras o arquivo da causa polo financiamento do Breogán: "foi...

José Tomé, tras o arquivo da causa polo financiamento do Breogán: “foi unha persecución política”

A causa xa foi arquivadas en 2013 polo propio xulgado de instrución número 3 de Lugo, pero aínda así a xuíza de Lara volveu abrila en 2016.

PUBLICADA O

- Advertisement -

O presidente da Deputación de Lugo, o socialista José Tomé, expresou a súa “satisfacción” pola decisión do xulgado de Instrución número 3 de Lugo de arquivar outra peza separada da operación Polbo, a referida ás axudas da institución provincial ao equipo de baloncesto Breogán e asegurou que se tratou dunha “persecución política“.

Nun comunicado remitido aos medios, José Tomé lembrou que “tamén foron arquivadas as pezas correspondentes a un exame de oposición, as adxudicacións a empresas e as axudas ao fondo social dos traballadores provinciais, todas promovidas pola xuíza Pilar de Lara durante os mandatos de José Ramón Gómez Besteiro como presidente da institución”.

O presidente provincial subliña que “cada paso que dá a xustiza demostra que a actuación da deputación non merece reproche xudicial algún e que a operación Polbo foi unha operación política en toda regra”. “Afortunadamente, a xustiza está a corrixir os seus propios erros, cometidos por unha persoa que nunca debeu de actuar así (por Pilar de Lara), tal e como están a dinamitar os xulgados de maneira clara e concluínte”, destacou.

A investigación sobre as axudas ao Breogán, como lembrou, xa foi arquivadas en 2013 “polo propio xulgado de instrución número 3 de Lugo, pero aínda así De Lara volveu abrila en 2016 e acumulouna á investigación que tiña aberta da deputación”. “Ao facer repartición despois de pasar por varios xulgados, agora, o número 3 volve de novo a arquivar a causa porque non se achegou nada novo: esta causa é exactamente a mesma pola que xa se incoaron (…) sen que nada concreto engadiuse á mesma, di literalmente o auto”, sinala Tomé.

Así as cousas, o presidente provincial destacou que a deputación presenta “unha folla de servizos á cidadanía sen tacha”. “Desde este goberno seguiremos colaborando, como ata agora cos concellos e co tecido económico para mellorar a calidade de vida e benestar dos veciños e veciñas da provincia de Lugo”, conclúe.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...