InicioPolíticaPiden non politizar a petición para que o Bierzo sexa a quinta...

Piden non politizar a petición para que o Bierzo sexa a quinta provincia galega

O Movemento Cidadán A Quinta, que iniciou unha campaña de recollida de sinaturas en redes, pide que esta proposta non sexa só "para falar dela en redes sociais".

PUBLICADA O

- Advertisement -

O Movemento Cidadán A Quinta parabeniza a Coalición polo Bierzo (CxB) pola iniciativa presentada polo BNG na Cámara Galega para que o Bierzo se converta nunha provincia e que poida integrarse, despois en Galicia. Con todo, pide que non se faga un uso partidista desta proposta e pide que este acordo sexa asumido polas “lexítimas institucións que as representa”, Parlamento Galego e Consello Comarcal do Bierzo.

Entendemos que esta iniciativa de CxB, elevada ao Parlamento Galego polo BNG, nace ao calor do nacemento de A Quinta e dentro do espírito que nos levou a impulsar a campaña de recollida de sinaturas que estamos levando adiante na actualidade con moitas dificultades por causa da situación sanitaria”, destaca esta entidade nun comunicado.

Neste sentido, entende que a clase política e sociedade galega e berciana deben debater abertamente da necesidade de abrir unha canle para que o Bierzo poida ter un “camiño amparado lexislativamente” para acadar as súas lexitimas aspiracións de se converter na quinta provincia galega.

Con todo, pídelle a CxB que está iniciativa “sexa sincera” e un paso na procura de conseguir o obxectivo de converter ao Bierzo en provincia e poder optar a ser provincia galega. “Esperamos que a iniciativa non teña só a intención de dar que falar nas redes sociais e nos medios de comunicación e agradamos que esta organización siga impulsando medidas concretas cara a súa materialización definitiva”, indica.

Tamén lle reclama ao BNG que non faga un uso partidario desta reivindicación e busque, “por encima de todo, que a mesma sexa aprobada -coas modificacións que sexa necesario- mediante un acordo por unánime de todos os grupos políticos do Parlamento Galego”. A Quinta destaca que a non aprobación da iniciativa por consenso dos tres partidos con representación no parlamento galego dificultaría a consecución do gran acordo no Congreso dos Deputados que é preciso acadar para converter ao Bierzo en provincia enmarcada dentro da Comunidade Autónoma de Galicia.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...