InicioMovementos sociaisO Bierzo pide a reforma do Estatuto de Galicia para unha posible...

O Bierzo pide a reforma do Estatuto de Galicia para unha posible anexión como quinta provincia

O movemento cidadán A Quinta iniciou unha recollida de sinaturas para enviar unha petición ao Parlamento Galego.

PUBLICADA O

- Advertisement -

O movemento cidadán A Quinta do Bierzo puxo en marcha unha campaña de recollida de sinaturas para solicitar a modificación do Estatuto de Galicia de maneira que dea cabida á posible incorporación da comarca do Bierzo ao territorio galego.

O comezo desta campaña estaba previsto para hai tres meses, pero as restricións coáronse polo medio e obrigaron ao seu atraso. Aínda así, a petición non perde forza e pretende “plasmar en demanda tanxible as simpatías existentes no conxunto da sociedade do Bierzo para converter a comarca na quinta provincia da Comunidade Autónoma de Galicia”.

Máis concretamente, procuran iniciar contactos coas forzas políticas do Parlamento para solicitar a modificación do Estatuto. “Entendemos que antes de lograr un acordo de modificación das fronteiras interiores de España no Congreso dos Deputados faise imprescindible que as dúas partes (O Bierzo e Galicia) teñan acordo explícito de apoio á demanda”, explican dende A Quinta, o que se traduce no apoio maioritario dos grupos políticos.

“Sabiamos que o camiño ía ser longo”, admiten. Con todo, están dispostos a dar o primeiro paso e inician así unha campaña que se desenvolverá nos establecementos hostaleiros do Bierzo co obxectivo de “axudar a devolver a confianza a este sector”, tan gravemente afectado polas medidas restritivas.

Así pois, varios locais hostaleiros do Bierzo xa teñen activa a campaña para asinar. Nos vindeiros días estenderase ao resto da comarca.

ÚLTIMAS

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...

Investigados dous lucenses tras atopar un can abandonado que fora dado de baixa por falecemento

A Garda Civil investiga a dous veciños das localidades lucenses de Castroverde e do Corgo como supostos autores...