Un incendio agrícola queima 2,5 hectáreas na parroquia de San Mamede do Couto, en Samos

Dáse a casualidade de que a parroquia afectada é a mesma onde o venres un veciño matou a coiteladas a outro e feriu de gravidade á muller deste último, que se atopa na UCI.

Axente das Brigadas de Reforzo en Incendios Forestais (BRIF) realiza labores de extinción durante un incendio, a 15 de xullo de 2022, en Samos.. Carlos Castro - Europa Press

Un incendio nunha explotación agrícola rexistrado o domingo calcinou 2,5 hectáreas de terreo na parroquia de San Mamede do Couto, no municipio lucense de Samos. Segundo informan fontes da Consellería do Medio Rural, iniciouse sobre as 14.30 horas de mediodía e quedou apagado ao redor das 18.20. Para a extinción mobilizáronse dous axentes, seis brigadas, tres motobombas, dous avións e dous helicópteros.

Dáse a casualidade de que a parroquia afectada é a mesma onde o venres un veciño matou a coiteladas a outro e feriu de gravidade á muller deste último, que se atopa na UCI. O presunto autor ingresou en prisión provisional o domingo, investigado por asasinato e por intento de homicidio.