Axentes da Policía Local de Lugo rescataron unha cría de ave rapaz que caeu do niño e que era incapaz de levantar o voo a pesar de que o exemplar xa tiña un tamaño considerable.
Sucedeu sobre as 21:00 horas de onte, 18 de xuño, na rúa Marqués de Ombreiro. Os axentes trasladaron o animal ao Hospital Clínico Veterinario Rof Codina, onde o seu coidado quedou a cargo do persoal facultativo.
