InicioMedioambiente e PatrimonioAprende a mellorar a produción da castaña

Aprende a mellorar a produción da castaña

Concello e Campus Terra da USC organizan un curso de coidado e poda de castiñeiras de variedades tradicionais de Galicia no novo pulmón verde LIFE das Gándaras.

PUBLICADA O

- Advertisement -

O Concello de Lugo impulsa da man da Universidade e a través do proxecto LIFE Lugo + Biodinámico a bioeconomía vinculada á castaña con talleres para mellorar a súa produción. Entre esta accións está o desenvolvemento dun taller formativo sobre o proceso de coidado e poda dos castiñeiros galegos que se organizará no novo pulmón verde LIFE na zona de As Gándaras. Nesta zona é onde o Campus Terra da USC está investigando o potencial de producción da madeira como produto renovable, reciclable, de elevada eficiencia enerxética e de elevada calidade para distintas transformacións industriais.

“A economía verde suporá para Lugo un revulsivo a nivel empresarial e industrial, transformando o modelo económico da cidade e xerando novos empregos verdes”, apunta o Concello nun comunicado.

Estes obradoiros serán unha actividade aberta durante os meses de novembro e decembro a calquera persoa interesada en coñecer todo o proceso de coidado e poda dos castiñeiros galegos, de cara a mellorar e fomentar súa produción de castañas, un dos valiosos recursos naturais de Lugo. Serán impartidos por Pablo Antonio Fraga Gontán, enxeñeiro agrónomo, e Juan Luis Fernández Lorenzo, doutor en Ciencias Biolóxicas e profesor da USC, ambos membros do proxecto LIFE Lugo + Biodinámico.

As persoas interesadas en participar nesta actividade poderán inscribirse a través dun formulario dispoñible na web lugobiodinamico.eu, ata un máximo de 15 inscricións por grupo. Na inscrición deberán indicar a data e hora na que prefiren participar. No caso de choiva ou condicións meteorolóxicas que non permitan a realización da actividade, esta será cancelada.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...