O delegado territorial da Xunta de Galicia, José Manuel Balseiro, asegurou este luns que a administración autonómica iniciará “o máis axiña posible” os traballos de limpeza e conservación da Muralla romana de Lugo, que até agora estaban paralizados á espera de que o Concello concedese a correspondente licenza de obra.

Con todo, esa licenza foi xa outorgada a pasada semana pero os traballos aínda non se iniciaron. Balseiro responsabilizou diso ao concello porque “non é normal” que a Xunta de Galicia “teña que facer tanta presión” como exerceu nas últimas semanas sobre o goberno local para contar coas correspondentes licenzas de obra.

En canto ás obras de conservación da Muralla, dixo Balseiro que se meteron demasiado no verán” e comezaron a aparecer os primeiros vencellos” -da colonia que aniña normalmente o monumento romano-, polo que serán os técnicos os que determinarán se é aínda posible aplicar o correspondente tratamento fitosanitario.

Con respecto á licenza para construír o novo colexio do Sacro Corazón, que tamén foi concedida a semana pasada, confía en que esta mesma semana se asine “a acta de reformulo” para “pór as obras en marc