O filme ‘O que arde’ vén de acadar dous galardóns nos Premios Goya: Mellor Fotografía (Mauro Herce) e Mellor Actriz Revelación (Benedicta Sánchez). As redes enchéronse de mensaxes de parabéns para o equipo da película e, concretamente, para a actriz corguesa. Porén, tamén houbo quen non concordou coa decisión de outorgarlle este premio a Benedicta Sánchez. E, da nada, xurdiu a polémica.
O debate partiu da conta persoal do xornalista e escritor Pascual Serrano: “Iso de que lle dean un Goya a unha anciá galega por facer de anciá galega, non sei que ten que ver coa interpretación”.
O seu chío causou o enfado entre usuarios galegos desta rede social. Moitos achacáronlle ao xornalista que “interpretar consiste en transmitir emocións do papel ao espectador, non de parecerse a alguén“. Outros, ironizaron que, polo feito de ser unha anciá, ían ser todas iguais.
