InicioLugo e contornaLugoO BNG vincula o cesamento dunha supervisora da UCI do HULA ao...

O BNG vincula o cesamento dunha supervisora da UCI do HULA ao “abuso que fai o PP dos cargos de libre confianza”

PUBLICADA O

- Advertisement -

A portavoz de sanidade do BNG no Parlamento de Galicia, Montse Prado, vinculou este luns o cesamento dunha supervisora da UCI do Hospital Universitario Lucus Augusti (HULA) ao “abuso que fai o PP dos cargos de libre confianza” na Xunta de Galicia.

Os nacionalistas presentaron, do mesmo xeito que fixo Eva Solla de En Marea a pasada semana, unha pregunta “para a súa resposta oral na comisión quinta, relativa á realización dunha auditoria para xustificar o cesamento dunha supervisora da UCI do HULA”.

Na pregunta ponse de manifesto que “a través dos medios de comunicación” tiveron “coñecemento do cesamento” despois de “catro anos desempeñando ese cargo, en base ao resultado dunha auditoria interna encargada pola dirección”.

Segundo a información que dispoñen no BNG devandito informe, que levou á destitución desta traballadora, “foi realizado por cargos directivos que son xuíz e parte como é o caso da directora de Enfermaría que consta como a que toma a iniciativa de pedir a auditoria, realizala, e que con base ao informe que ela mesma firma emite informe de cesamento”.

“Cesamento -engade a interpelación- que se realiza en primeiro lugar de forma verbal por parte da Directora de Enfermaría, manifestamente incompetente para realizalo”, expón. Prado aclarou que os nacionalistas “non” cuestionan “o cesamento dun cargo de confianza, senón o uso que se fai destes cargos, porque é unha evidencia que o PP está a abusar destes cargos de libre confianza para que sexan parapetos para levar a cabos as súas políticas de recortes”.

“Hai unha folla de ruta para os recortes en sanidade (na Xunta), e cando esas persoas non son sumisas á súa folla de ruta actúan de forma despiadada e sen ter en conta as consecuencias”, alerta Prado. Ademais, salientou que isto “é un aviso para navegantes”, deixando caer que se chegou a esta situación porque a supervisora se queixou “pola falta de persoal e de medios” no devandito servizo, a UCI, do HULA.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...