O Grupo Municipal do Partido Popular levará ao vindeiro pleno unha pregunta para saber cando se asinará o convenio coa Xunta de Galicia que permita executar a reurbanización da rúa Serra de Meira.
O pasado 14 de outubro de 2025 o rexedor, Miguel Fernández, mantivo unha reunión coa conselleira de Vivenda e Planificación de Infraestruturas, María Martínez Allegue. Sobre esa reunión, o PP sinala que “o Concello mostrou a súa conformidade co texto do acordo e co proxecto”. Os ‘populares’ sinalan que “meses despois” o convenio segue sen formalizarse.
O PP lucense pregunta cales son os motivos polos que o alcalde retrasa a firma dun acordo que “conta co financiamento garantido ao 100% pola Xunta, cun investimento superior a 1,1 millóns de euros, e que permitirá mellorar e ampliar esta vía fundamental para o barrio e para a cidade”.
Non se entende que unha actuación necesaria, con fondos comprometidos e coa previsión de licitarse no primeiro semestre de 2026, continúe paralizada por falta de sinatura.
Os populares reclaman transparencia e axilidade. “Lugo non pode permitirse perder oportunidades nin seguir acumulando retrasos en proxectos importantes”.
