InicioLugo e contornaLugoO Caudal Fest vende 40.000 entradas para encher Lugo este venres e...

O Caudal Fest vende 40.000 entradas para encher Lugo este venres e sábado

O Caudal Fest contará nesta edición con 23 bandas e artistas, entre os que destacan grupos de ámbito nacional e internacional como Amaral, Viva Suecia, Mikel Izal e Carlos Sadness, entre outros

PUBLICADA O

- Advertisement -

O Caudal Fest, que contará coa presenza de 23 artistas e bandas, encherá Lugo este venres e sábado con 40.000 entradas vendidas –20.000 asistentes cada día–.

Así o detallaron este xoves na presentación do festival na que participou o presidente a Deputación de Lugo, José Tomé Roca, a alcaldesa de Lugo, Paula Alvarellos, e o delegado territorial da Xunta, Javier Arias, entre outros.

Neste sentido, o José Tomé detallou que a institución provincial achega 50.000 euros ao Concello para desenvolver esta iniciativa que é unha “aposta importantísima” para a provincia e unha “carta de presentación excelente”.

“É un evento musical de primeira orde, que atrae a miles de visitantes, dinamizando sectores como o da hostalaría e o turismo, sitúa a Lugo no mapa e actúa como motor de desenvolvemento económico e social”, apuntou o presidente provincial.

En 2023, lembrou, esta cita musical xerou un retorno económico de máis de sete millóns de euros na cidade. “Encheu hoteis, locais de hostalaría e comercios con máis de 37.000 asistentes”, explicou.

Este ano, o evento vendeu en apenas 24 horas o 60% dos seus abonos, polo que a alcaldesa destacou a “boa acollida” do cartel desta sexta edición.

O Caudal Fest contará con 23 bandas e artistas, entre os que destacan grupos de ámbito nacional e internacional como Amaral, Viva Suecia, Mikel Izal e Carlos Sadness, entre outros.

AUTOBUSES LANZADEIRA

O Concello facilitará autobuses gratuítos cada 15 minutos desde o centro da cidade ata as inmediacións do recinto do festival, tanto de ida como de volta.

O transporte sairá desde a praza de Bretaña en ambas as xornadas, con saídas continuadas desde as 16.30 horas ata as 03.45 horas.

SAN FROILÁN MIÚDO

Por outra banda, a concelleira de Cultura, Turismo e Promoción dá Lingua, Maite Ferreiro, presentou este xoves a programación que dará forma ao espazo infantil do San Froilán 2024, o San Froilán Miúdo.

As actividades para o público familiar, destacou, son un dos “alicerces principais” das festas cunha oferta que este ano inclute propostas para toda a familia.

O San Froilán Miúdo contará en total con tres xornadas de xogos interactivos para toda a familia, oito actuacións para todos os públicos na carpa da avenida Anxo López Pérez e catro espectáculos itinerantes para todos os públicos, a celebrar entre o 5 e o 12 de outubro.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...