A Deputación de Lugo iniciou as obras de mellora da estrada que conecta Ponte de Outeiro co cinto comarcal en Castro de Rei, segundo informa.
Os traballos, nos que a institución provincial inviste preto de 130.000 euros, afectan a un tramo de case tres quilómetros ao final da LU-P-1105.
As obras comezaron coa limpeza das cunetas para mellora da drenaxe e continuarán coa pavimentación con aglomerado en quente e a reposición da sinalización. O prazo de execución previsto é de menos dun mes.
