Axentes da Policía Nacional realizarán o Camiño de Santiago por substitucións este venres, 1 de outubro, desde a cidade de Lugo a través da Vía Primitiva para acabar na capital galega. Segundo explicou este corpo policial, con esta iniciativa pretende “visualizar a importancia da Policía Nacional na protección e promoción das Rutas Xacobeas” e, engade, “contribuír á difusión do proxecto Protexemos os Camiños”.
Para iso, elixiu a data do 1 de outubro, porque é a véspera do día dos Ángeles Custodios, patrón da Policía Nacional, que na capital lucense celebrarase o luns 4. Os axentes que participarán teñen fixada a saída na rúa Chantada, fronte ás dependencias da Policía Nacional, ás 9,00 horas deste venres. Pola súa banda, a chegada está prevista na Praza do Obradoiro, en Santiago de Compostela, sobre as 18,00 horas, coa asistencia de autoridades e mandos policiais.
