As autoridades galegas informaron doutros cinco falecementos rexistrados entre este luns e este martes que elevan a 2.479 as vítimas mortais ligadas á pandemia na Comunidade. 

En concreto, Sanidade informa de tres mortes máis rexistradas este luns 2 de persoas diagnosticadas con covid-19: unha muller de 84 anos no Hospital Quirón da Coruña, unha muller de 81 no Complexo Hospitalario Universitario de Santiago (CHUS) e un home de 84 no Complexo Hospitalario Universitario de Ferrol (CHUF). Este martes 3, infórmase da morte de dúas mulleres –unha de 74 anos no Hospital Universitario Lucus Augusti e outra de 86 no centro vigués de Povisa–.

Todas presentaban patoloxías previas.