- Advertisement -
A Deputación de Lugo informou de que as probas de diagnóstico da covid-19 realizadas a oito persoas da institución que estiveran co cineasta Oliver Laxe nun acto o pasado día 15 de xuño deron un resultado negativo.
Nun comunicado remitido aos medios, a Deputación de Lugo lembra que o Servizo de Prevención decidiu realizar as probas tras coñecerse o positivo en coronavirus do cineasta.
En concreto, este servizo citou para o luns ao oito persoas que estiveron en contacto co artista co obxectivo de “extremar as precaucións” e aplicando o seu protocolo de actuación, que complementa o do Sergas.
